नेपालमा कोरोना संक्रमितको संख्या ३७६२ पुग्यो

काठमाडौं । नेपालमा सोमबार ३१४ जना कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा विभिन्न जिल्लामा ३१४ जनामा कोरोना संक्रमण पुष्टि भएको हो। संक्रमित मध्ये अधिकांश क्वारेन्टाइनमा बसेकाहरू छन्। यो संगै नेपालमा कोरोना संक्रमितको संख्या ३७६२ पुगेको छ। तीमध्ये १४ जनाले ज्यान गुमाएका छन् भने ४८८ जना निको भएका छन्।