बाजुराको क्वारेन्टाइनमा एक जनाको मृत्यु,कोरोना परीक्षण हुने

बाजुरा । बाजुराको एक क्वारेन्टाइनमा १ जनाको मृत्यु भएको छ । खप्तड छेडेदह गाउँपालिका-७ को क्वारेन्टाइनमा ६५ वर्षीय वृद्धको मृत्यु भएको हो । उनि जेठ १५ गते भारतबाट आएर क्वारेन्टाइनमा बसेका थिए ।

शुक्रबार साँझदेखि खाना नखाएका उनको राती मृत्यु भएको खप्तड छेडेदह गाउँपालिका-७ का वडाध्यक्ष खगेन्द्र रावतले जानकारी दिए । गाउँकै मष्टा आधारभूत विद्यालय बुढाबाडामा रहेको क्वारेन्टाइनमा उनको मृत्यु भएको वडाध्यक्ष रावतले जानकारी दिए । 

मृतकको कोरोना परीक्षणका लागि स्वाब संकलन गरेर धनगढी प्रयोगशालामा पठाउने र उनको शव नेपाली सेनाले व्यवस्थापन गर्ने अध्यक्ष रावतले जानकारी दिए ।