कैलालीमा मोटरसाईकल दुर्घटना हुँदा दुई जना घाइते

धनगढी । कैलालीमा मोटरसाईकल दुर्घटना हुँदा २ जना घाईते भएका छन् । गोदावरी नगरपालिका - ५ स्थित गेटामा मोटरसाईकल दुर्घटना हुँदा दुई जना घाईते भएका हुन् ।

घाईते हुनेहरुमा से ७ प ८५९३ नम्वरको मोटरसाईकल चालक डडेल्धुराको पर्शुराम नगरपालिका- ५ परिगाउँ बस्ने ३० बर्षीय उमेश भट्टराई र मोटरसाईकलको पछाडी बसेका बझाङको थलाराका ३० बर्षीय बलराम भट्टराई घाईते भएका हुन् ।

दुबैजनाको अत्तरियास्थित पदमा अस्पतालमा उपचार भईरहेको ईलाका प्रहरी कार्यालय मालाखेतीले जनाएको छ । मोटरसाईकल बार्षातको समयमा अनियन्त्रित भएर दुर्घटना हुँदा बिजुलीको पोलमा ठोक्किएको थियो ।