मेयर घुस माग्ने , छोरा उठाउन जाने : ५ लाख कमिशनको रकमसहित अख्तियारको फन्दामा

जनकपुर । मेयरका छोरासहित दुई जना ५ लाख कमिसनको रकम सहित सिरहाबाट परेका छन्।

अख्तियार दुरुपयोग अनुसन्धान आयोगको बर्दिबाँसबाट खटेको टोलीलले कल्याणपुर नगरपालिकाका मेयर सूर्यनाथ मण्डलका छोरा सन्त मण्डल र जितेन्द्र महतोलाई नियन्त्रणमा लिएको छ।

बुधबार दुबैजनालाई लाहान नगरपालिका वडा नं. २२ राजदेवी चौक नजिकबाट पक्राउ गरिएको अख्तियारको बर्दिबाँस कार्यालयले जनाएको छ।

कल्याणपुर नगरपालिकाका मेयर सूर्यनाथ मण्डलले डिपिआरको भुक्तानी गर्नको लागि सेवाग्राहीसँग ५ लाख घुस मागेकोमा सो रकम लिन छोरा र एकजनालाई पठाएकोमा दुवै जनालाई रङ्गेहाथ नियन्त्रणमा लिइएको बर्दिबाँस कार्यालयले जनाएको छ।

यस सम्बन्धमा थप अनुसन्धान भइरहेको अख्यिारको बर्दिबाँस कार्यालयले जनाएको छ। सांकेतिक तस्बिर